حـكـم الـقـدر

اثر الليالي مابهـا قمـرا.. وجتنـي مظلمـه
لاواحسايف ضاع جهدي.. واجتهادي.. وتعبي

كن المحبه محلله لغيـري ..وعلّـي محرمـه
ماهو في شرع الله ترى هذا ولاشرع النبـي

كلن على درب الهوى يشعب نياقـه وغنمـه
هذا يبي ..وهذا يبي..وهذا يبي..وهـذا يبـي

وانا وقفت وحيرتي بين العرب اكبـر سمـه
لاواعذاب اللي تولع في هوى شخص اجنبـي

واحظي اللي واقفا ضـدي بشحمـه ولحمـه
اليا ضحكت شوي روّح يسبي الضحكه سبـي

قلبـي تعـوّد حرّته..واعتـاد كيّـة ميسمـه
ياحيلة الله كيف اطفي النار وضلوعي احطبي

ياغايـة المطلوب..ياعـذب اللما..يالملهمـه
لاياشبيه الريم..ياعين الوحش..عنق الضبـي

قصر الهوى اللي قد بنيناه..القدر جا وهدمـه
لاواحسايف ضاع جهدي..واجتهادي..وتعبـي